Ang
Magasin ay isa sa marami kong paboritong kanta mula sa Eraserheads. Ito ay
tungkol sa isang lalaking nakita ang dati niyang kasintahan sa isang magasin at
nagulat sa laki ng binago ng babae. Ngayo’y ito’y nagsisisi dahil hindi niya
siya pinanindigan at nasayang ang pagkakataon. Sa kaniya na sana ang magandang
babaeng ito at parte ng isang maginhawa at magandang buhay ngunit ngayon, kapos
siya sa pera kahit mabili lang ang magasin. Ngunit mukang may iba pang
sikretong tinatago ang magasin na ito.
Kung
titingnan ang kanta sa isang feminisitang pananaw, makikita na marami sa
sinasabi ng kanta ay lumalabag sa mga itinatangkilik ng feminismo. Sa simula pa
lang ay makikita na ito;
“Tinawanan pa kitaTinawag mo 'kong walang hiyaMedyo pangit ka pa noon”
Noong kasintahan
pa ng lalaki ang babaeng nasa magasin, hindi niya ito binigyan ng respeto.
Hindi niya inisip na kaya niyang sumikat, at dagdag pa rito, ininsulto pa niya
siya.
Kahit sa chorus ng
kanta ay makikita ang hindi pagsunod sa feminismo.
“Sana'y hindi nakitaSana'y walang problema pagka't kulang ang dala kong perangPambili, pambili sa mukha mong maganda”
Ipinapakita ng mga
linyang ito na parang bagay lang ang babae, na para makuha siya ng lalaki,
pwede lang niyang idaan siya sa pera.
Ipinakita rin sa
kanta na ang interes lang ng lalaki sa babae ay ang kaniyang mga pisikal niyang
katangian, ang kaniya katawan. Wala siyang paki sa pagkatao nito. Makikita ito
sa bandang huli ng kanta;
“Bastos pala ang pamagatDalidaliang binuklatAt ako'y namulat sa hubad na katotohanan”“At sana sa susunod na isyuAy centerfold ka na”
Bagaman maraming
bahagi ng kanta ay lumalabag sa feminismo, may ilang bahagi naman na maaring
sabihin na sumusunod dito. Isang halimbawa ay noong tinawag na “walang hiya” ng
babae ang lalaki ng siya’y tinawanan at ininsulto at pinili niyang iwanan siya.
Ipinapakita rin ng kanta na maari ring umunlad sa buhay ang mga babae;
“Rumarampa sa entabladoDamit na gawa ni SottoSiguro'y malapit ka na ring sumaliSa Supermodel of the Whole Wide Universe”
Ngunit
ang tagumpay na ito ay hindi absolutong sumusunod sa feminismo dahil ang paraan
ng kaniyang pag-unlad sa buhay ay isang skandalo. Ginamit ng babae ang kaniyang
katawan upang sumikat at makilala. Ang paraan na ito ay sumusuporta lamang sa
ideya na hanggang katawan lang talaga ang halaga ng mga babae at hindi nila
kayang gamitin ang kanilang mga abilidad at kakayahan upang umunlad o
mangibabaw sa buhay. Kaya sa kalahatang pagtingin sa kantang “Magasin,” hindi
talaga ito sumusunod sa feminismo.
Carlos Oxales
F2012
F2012
No comments:
Post a Comment